الجزائر الوطن الذي يسكن فينا ولا نسكن فيه

نحكيلكم على الناس اللي راهي تهرب وتخرج من هاذي البلاد و يخسرو 80 مليون غير حرڨة

ماجاتش في الدراهم جات في المعيشة في هاذي البلاد

عندك Audi و الطريق محفرة

عندك فيلا و الماء مكانش

عندك ايفون 13 و الريزو مكانش

تلبس حوايج تاع 10 ملاين و الغبرة برا

عندك الدراهم وما مكانش الطبيب اللي يداويك

عندك قصر والتريسيتي يتنقطع عليك شتا و صيف و تشعل شمعة

عندك دراهم وتبغي تخدم مشاريع يا يفرضو عليك رشوة يا تكمل عليك فالحبس

عندك أولاد تخاف عليهم و تعسهم يا من الإغتصاب يامن يخرجو الطريق

عندك اماكن للتنزه بصح ما تقدرش تخرج معى دارك بسكو الكلام والتطياح تسمعو نورمال وفي كل بلاصة وهذا على الغني ومسكين زوالي معندك معندي منزيد نحكي

المشكل ما جاتش في دراهم المشكل هذا البلاد غير قابلة للعيش لا عدل لا أمن لاطب لاهم يحزنون ولا حرية تعبير لا صحافة تنقل الصح ولا انشغلات الشعب من الاخر نظام فاسد يحب ويشجع الفساد لهذا تتنحاو قاع 5 اكتوبر بداية نهايتهم